LSAJ lan Wilmar Padi Ndhukung Pangembangan Peternakan lan Pertanian Blora
.jpg "Bupati Blora, H. Arief Rohman, bersama Direktur PT Lembu Setia Abadi Jaya, Arie Triyono, menandatangani nota kesepahaman untuk pengembangan sektor peternakan di Blora")
Blora - Bupati Blora, H. Arief Rohman, ngajak kerjasama karo PT Lembu Setia Abadi Jaya (LSAJ) lan PT Wilmar Padi kanggo ngembangake sektor peternakan lan pertanian ing Kabupaten Blora. Langkah iki dilakoni kanggo ndhukung program ketahanan pangan nasional Pemerintah Pusat.
Ing acara sosialisasi sing digelar ing Pendopo Rumah Dinas Bupati, Jumat (9/8/2024), Bupati Arief Rohman nyatakake yen Blora nduweni potensi gedhe nang sektor peternakan, saliyane iku uga nduweni populasi sapi sing paling gedhe sak Jawa Tengah lan nomer loro paling gedhe sak Indonesia. Supaya potensi iki bisa maksimal, PT Lembu Setia Abadi Jaya (LSAJ) dijaluk dadi "Bapak Angkat" kanggo mbina peternak ing Blora supaya bisa ngelola peternakan sapi kanthi luwih modern.
"Dhewe ngajak bapak angkat kanggo para peternak ing Blora, supaya potensi peternakan bisa dikelola luwih apik. PT LSAJ bakal mbina para peternak supaya bisa ningkatake produktivitas lan kualitas peternakanmu kabeh," ujare Bupati Arief marang para peserta kang nyekseni adicara tapak asman MoU antaraning Pemkab Blora kalawan PT-PT kasebut.
Kemitraan karo Wilmar Padi kanggo Ngembangake Pertanian
Saliyane fokus ing sektor peternakan, Bupati Blora uga ngajak kerjasama karo PT Wilmar Padi kanggo ngembangake sektor pertanian Blora. Kemitraan iki, diajab bakal bisa nggendhel'I para petani lan kelompok tani ing Blora, supaya bisa melu ningkatake produktivitas lan kesejahteraane.
"Dhewe pengin PT Wilmar Padi bisa mbudidaya program kemitraane nang Blora, supaya lahan pertanian sing dibina ora mung 100 hektar, ning isa luwih akeh saka iku," ngendikane Bupati Blora.
.jpg "Sosialisasi Program KUR Peternakan di Pendopo Rumah Dinas Bupati Blora, dihadiri oleh perwakilan peternak, pemerintah, dan sektor perbankan")
Dukungan Saka Kementerian Pertanian
Kementerian Pertanian, liwat Direktur Pengelolaan lan Pemasaran Hasil Peternakan, Tri Melasari, ngapresiasi inisiatif Pemerintah Kabupaten Blora kanggo ngajak sektor swasta sesarengan mbangun usaha pertanian lan peternakan ing Blora. Kementerian paring janji, siap menehi pendampingan lan dhukungan penuh kanggo pelaksanaan program iki.
"Kita saka Kementerian Pertanian siap ndhukung upaya iki, lan bakal mbantu ngatasi sakabehane kendala sing ana," terang Tri Melasari.
Komitmen Kanggo Ndhukung Ketahanan Pangan Nasional
Lewat kemitraan strategis karo PT Lembu Setia Abadi Jaya (LSAJ) lan PT Wilmar Padi, Kabupaten Blora nuduhake komitmen kanggo ndhukung ketahanan pangan nasional. Kanthi potensi gedhe sing diduweni, Blora siap dadi salah sawijining daerah sing bisa menehi kontribusi signifikan lan melu njurung kemajuan sektor peternakan lan pertanian Indonesia.